این سی ورکنگ کمیٹی کی میٹنگ اختتام پذیر

اس میٹنگ میں مختلف امور اور کئی دیگر سیاسی سرگرمیوں پر تبادلۂ خیال کیا گیا۔

سرینگر میں واقع نیشنل کانفرنس کے ہیڈکوارٹر میں پارٹی کے صدر فاروق عبداللہ کی قیادت میں آج ورکنگ کمیٹی کی میٹنگ منعقد کی گئی۔

اس میٹنگ میں پارٹی کے نائب صدر عمر عبداللہ، سینئر رہنما علی محمد ساگر، حسنین مسعودی سمیت کئی دیگر رہنماؤں نے شرکت کی۔

اس میٹنگ میں جموں و کشمیر کی موجودہ سیاسی صورتحال اور سرگرمیوں اور مختلف امور پر تبادلۂ خیال کیا گیا۔ وہیں اس دوران گزشتہ برس پانچ اگست کے بعد مرکزی حکومت کی جانب سے دفعہ 370 کی منسوخی کے بعد مرکزی علاقے مین پیدا شدہ صورتحال کے بارے میں بھی تبادلہ خیال کیا گیا۔

قابل ذکر ہے کہ دفعہ 370 اور 35 اے کی منسوخی کے بعد یہ نیشنل کانفرنس کی ورکنگ کمیٹی کا پہلا اجلاس ہے جس میں پارٹی کے کئی سینئر رہنماؤں نے شرکت کی۔