ضلع بانڈی پورہ میں ولر جھیل کے قریب گزشتہ روز 45 برس کے باغ کھٹانہ نامی شخص ولر کے پاس نالے میں اس وقت ڈوب گیے جب وہ اس نالے میں نہا رہے تھے، تاہم چوبیس گھنٹے گزرنے کے باوجود بھی ان کی لاش برآمد نہیں ہوپائی۔
اس تعلق سے مقامی لوگوں میں غم و غصہ ہےپچھلے چوبیس گھنٹوں کے دوران مقامی ملاحوں نے انتھک کوشش کی تاہم نالے میں پانی کے کافی بہاؤ کی وجہ سے انہیں کوئی کامیابی نہ مل سک۔
اس کے علاوہ ایچ ڈی آر ایف اور پولیس نے بھی کل سے ہی اس بارے میں کافی کوشش کی تاہم آج آرمی کی نیوی ٹیمیں بھی اس کام میں جٹ گئیں جسے مقامی لوگوں اور رشتہ داروں میں لاش ملنے کی امید جاگ گئی۔
باغ کھٹانہ ولد مکھن کا تعلق پہاڑی علاقہ ٹنگھاٹ سے ہے۔ مذکرہ شخص اپنے رشتہ داروں کے ہمراہ اپنے مویشیوں اور بیڑوں کو پالنے کی غرض سے ان دنوں ولر کے آس پاس میدانوں میں عارضی طور پر مقیم تھا۔
باغ کھٹانہ کے رشتہ داروں نے الزام لگایا ہے کہ مقامی انتظامیہ نے بروقت اطلاع ملنے کے باوجود تلاش کے کام میں دیری کی اور جو بھی ٹیمیں اس سلسلے میں یہاں بیجھی گئی ان کے پاس اس کام کے لئے مناسب انتظام ہی موجود نہیں تھا۔
انہوں نے اس موقعے ہر انتظامیہ کے خلاف شدید احتجاج بھی کیا۔
