قابل اعتراض مواد پوسٹ کرنے پر ایک شخص گرفتار

سوشل میڈیا پر قابل اعتراض مواد پوسٹ کرنے پر ایک شخص کو سری نگر ہوائی اڈے سے حراست میں لیا گیا ہے۔

جموں وکشمیر پولیس نے مدثر احمد تیلی کے دہلی سے ائیر انڈیا کی اڑان پر سرینگر ہوائی اڈے پر پہنچنے کے فورا بعد ہی اسے سرینگر بین الاقوامی ہوائی اڈے سے حراست میں لے لیا۔

عہدیداروں نے بتایا 'شہر کے علاقے حبہ کدال کے رہائشی مدثر احمد تیلی پر الزام ہے کہ وہ کشمیر سے دور رہتے ہوئے سوشل میڈیا پلیٹ فارم پر قابل اعتراض مواد شائع کرتا تھا۔

انہوں نے بتایا 'اسے ہوائی اڈے پر ٹرمینل کی عمارت سے گرفتار کیا گیا ہے اور پوچھ گچھ کے لئے ہم ہمہ پولیس اسٹیشن لے جایا گیا ہے۔

مزید تفصیلات کا انتظار ہے۔