لاک ڈاؤن کے دوران جموں سرینگر قومی شاہراہ پر مسافر و نجی گاڑیوں کی تقل و حمل پر پابندی عائد کی گئی جس کے سبب قومی شاہراہ پر نقل و حمل نہ کے برار ہے۔
جموں و کشمیر کے ضلع ڈوڈہ سے گزرنے والی بٹوت کشتواڑ قومی شاہراہ پر دریائے چناب کے اوپر تعمیر کیے گئے گنت پُل پر اِن دِنوں گاڑیوں کی آمد و رفت کم ہوگئی ہے لیکن یہ مقام اب خود کشی کرنے کا مرکز بن گیا ہے۔
اس پُل پر آج ہفتہ کے دوران خود کشی کا دوسرا معاملہ سامنے آیا ہے۔
تفصیلات کے مطابق قصّبہ ڈوڈہ کے شمال مغربی گاؤں سیکوان بیولی سے تعلق رکھنے والے رفیق نامی شخص نے دریائے چناب میں پیر کے روز چھلانگ لگا کر اپنی زندگی کا خاتمہ کر دیا۔
ذرائع کے مطابق رفیق احمد ڈوڈہ میں مختلف مقدمات میں ملوث تھا اورحالیہ دِنوں میں بیولی میں نقب زنی کی ایک واردات میں مبینہ طور ملوث ہونے کے بعد پولیس کو مطلوب تھا۔َ
خود کشی کی واردات کے بعد مقامی رضاکار تنظیم ابابیل و دیگر بچاؤ کاری میں مصروف تنظیموں نے ریسکیو آپریشن شروع کر دیا ہے لیکن تاحال رفیق کی لاش کو دریائے چناب سے برآمد نہیں کیا جا سکا ہے۔
