مرکز کے زیر انتظام لداخ میں 'لداخ ایٹ کراس روڈس' کے نام پر دوسرے مرحلے کا ادبی میلے کا انعقاد کیا گیا جس کا افتتاح خطے کے لیفٹیننٹ گورنر آر کے ماتھر نے کیا.
افتتاحی تقریب ایل جی نے آن لائن منعقد کی اور اس میں چئیرمین لداخ آٹو نامس ہل ڈیلیمنٹ کونسل فیروز احمد خان، رکن پارلیمان جے ٹی نامگیال اور دیگر عہدیداروں نے اس میں بذریعہ ویڈیو شرکت کی۔
اس موقع پر فیروز احمد خان نے کہا کہ ادبی میلہ منعقد کرنے سے لداخ میں سیاحت کو فروغ مل جائے گا اور ساتھ ساتھ خطے کے ادب و تاریخ سے لوگ آشنا ہوں گے۔
انہوں نے محکمہ سیاحت کو میلہ منعقد کرنے پر داد دیتے ہوئے کہا کہ اس قسم کے پروگرام ہر سال منعقد کرنے چاہیے تاکہ خطے کی پہچان ہو۔
رکن پارلیمان جے ٹی نامگیال نے کہا کہ ایسے پروگرام منعقد کرنے سے نوجوان طبقہ لداخ کی تاریخ اور تمدن و ادب سے آگاہ ہونے کے علاوہ اس ادب کو فروغ دینے میں اہم کردار ادا کر سکتے ہیں اور مستقبل میں وہ ادب کے ذریعے لداخ کی تاریخ اور تہزیب کو زندہ رکھنے میں اپنا رول نبھا سکیں گے۔
