'ایک کالج ایسا بھی جہاں بجلی،پانی تک میسر نہیں'

جموں و کشمیر کے ضلع رامبن میں گورنمنٹ ڈگری کالج رامبن کمپلیکس بنیادی شہری سہولیات سے محروم ہونے کی وجہ سے کالج میں زیر تعلیم طلبہ اور طالبات کی لیے تعلیمی سرگرمیوں میں زبردست مشکلات کا سامنا کرنا پڑ رہا ہے۔

ڈگری کالج رامبن 2005 منظور ہوکر چند سال کے بعد کالج کی عمارت کرول میں تعمیر کر کے کالج میں تدرسی عمل شروع کر دیا گیا تھا۔

بنیادی سہولیات نہ ہونے سے کالج میں زیر تعلیم طلباء تعلیمی سرگرمیاں خاص کر 'تجرباتی لیبارٹریوں' جن میں فزیکس، زالیجی، باٹنی اور کمپیوٹر لیب کے کام کاج پر اثرانداز ہو رہا ہے۔

کالج میں زیر تعلیم طلبہ و طالبات نے ای ٹی وی بھارت کو بتایا کہ 'کالج میں بنیادی سہولیات نہ ہونے سے ان کو زبردست مشکلات کا سامنا کرنا پڑ رہا ہے۔
انہوں نے بتایا کہ 'کالج میں بجلی کی سپلائی نہ ہونے کی وجہ سے انتہائی ضروری ڈھانچے متاثر ہورہے ہیں'

جبکہ کالج کو پینے کا صاف پانی بھی میسر نہ ہونے کی وجہ اور بھی زیادہ دقتوں کا سامنا کرنا پڑ رہا ہے یہاں تک کہ کالج کے بیت الخلاء غسل خانے اور پیشاب خانے میونسپلٹی کمیٹی کے بیت الخلاء کا نظارہ پیش کررہے ہیں۔

سال 2013 میں کالج کو نیے کمپلیکس میں منتقل کیا گیا تھا لیکن اتنا عرصہ بیت جانے کے باوجود بنیادی سہولیات بجلی پانی اور دوسری لازمی سہولیات سے یہ کالج محروم ہے۔

کالج میں زیر تعلیم طلبہ و طالبات نے ریاست کے دیگر کالجوں کی طرز پر بنیادی سہولیات بہم کرنے کا پرزور مانگ کرتے ہوئے مشکلات کا ازالہ کرنے کا مطالبہ کیا ہے۔