کولگام: آتشزدگی کے سبب جزوی طور پر مکان کو نقصان

جموں کشمیر کے ضلع کولگام کے سرندو علاقہ میں آتشزدگی کی وجہ سے ایک مکان کو جزوی طور پر نقصان پہنچا ہے۔ جس کی وجہ سے مذکورہ مکان کے مالک کو مالی طورپر نقصانات کا سامنا کرنا پڑا ہے۔

تفصیلات کے مطابق شارق احمد بٹ نامی شخص کے گھر میں آگ لگنے کی وجہ سے نقدی اور لاکھوں کا املاک تباہ ہوا ہے۔

اہل خانہ کے مطابق کل شام مکان میں پکوان کے دوران گیس لیک ہوا اور زور دار دھماکے سے سیلنڈر پھٹ گیا۔جس کے بعد دیکھتے ہی دیکھتےآگ پورے مکان میں پھیل گئی۔

اس آتشزدگی کے سبب کئی لاکھ روپیے اور زیور و دیگر املاک کا نقصان ہوا ہے۔ مقامی لوگوں کے مطابق فیر اینڈ ایمرجنسی کے عملہ کی بر وقت آمد سے آگ پر قابو پالیا گیا۔ اہلخانہ نے امدادی مدد کی اپیل کی ہے۔