اسی سلسلے میں ای ٹی وی بھارت کے نمائندے نے بتایا کہ جموں و کشمیر کے ضلع کشتواڑ میں بھارت بند کی کال کا کوئی اثر دیکھنے کو نہیں ملا۔
نمائندے کے مطابق کشتواڑ میں تمام دکانیں اور پبلک ٹرانسپورٹ معمول کے مطابق چلتی رہی۔
ایک دکاندار کا کہنا ہے کہ کشتواڑ میں بھارت بند کال پر کسی نے عمل نہیں کیا تاہم کسانوں کے مطالبات بلکل درست ہے۔
دوسری جانب جموں و کشمیر کے مختلف مقامات پر بھارت بند کی کال اثر دیکھنے کو ملا۔ خطے جموں میں کسانوں نے سڑکوں پر نئے زرعی قوانین کے خلاف زورداد احتجاج کیا۔
ان کا کہنا تھا کہ مرکزی حکومت کو کسی بھی صورت میں اس قانون کو واپس لینا پرے گا۔
بتادیں کہ آل انڈیا ریلوے مین کی فیڈریشن (اے آئی آر ایف) اور نیشنل فیڈریشن آف انڈین ریلوے مین (این ایف آئی آر) نے اپنے اراکین سے 8 دسمبر کو دھرنا مظاہرہ کر کے مظاہرین کاشتکاروں سے اظہار یکجہتی کرنے کو کہا تھا۔
