جنوبی کشمیر کے ضلع اننت ناگ کے نتھی پوری ڈورو علاقہ سے تعلق رکھنے والے مفتی الطاف حسین نامی ایک نوجوان چار ماہ قبل اپنے گھر سے لاپتہ ہوگیا تھا. سوشل میڈیا پر گشت کر رہی ایک ویڈیو میں مذکورہ نوجوان دعویٰ کر رہا ہے کہ انہوں نے نئی عسکریت پسند تنظیم' کشمیری ٹائیگرس' میں شمولیت اختیار کرلی ہے۔
ذرائع کے مطابق مفتی الطاف پہلے عسکریت پسند تنظیم جیش محمد میں شامل ہوا تھا ۔مذکورہ عسکریت پسند ویڈیو میں بھارت کے شہریوں کو انتباہ دیا ہے کہ وہ جموں و کشمیر کی شہریت حاصل کرنے کی کوشش نہ کریں۔
وہ کشمیریوں کو بھی خبردارکیا ہے کہ وہ اپنی اراضی کسی ایسے فرد کو فروخت نہ کریں جس کا تعلق جموں و کشمیر سے نہ ہو۔ ایسا کرنے کی صورت میں جان سے مار ڈالنے کی دھمکی دی گئی ہے۔
وہیں پولیس اہلکاروں کو بھی انتباہ دیا ہے کہ وہ عسکریت پسندوں کا ساتھ دیں یا غیر جانبدارانہ رول ادا کریں۔
