جسٹس علی محمد ماگرے لداخ لیگل سروسز اتھاریٹی کے ایکزیکیٹیو چیئرمین نامزد

جموں کشمیر ہائی کورٹ کے جسٹس علی محمد ماگرے کو پیر کے روز مرکزی زیر انتظام لداخ لیگل سروس اتھارٹی کا ایکزیکیٹیو چیئرمین نامزد کیا گیا ہے۔

جسٹس ماگرے کی نامزدگی مرکزی زیر انتظام لداخ کے لیفٹیننٹ گورنر رادھا کرشنا ماتھر اور جموں و کشمیر ہائی کورٹ کے چیف جسٹس گیتا متل کے مشترکہ مشورے کے بعد ممکن ہوئی ہے۔

انتظامیہ کی جانب سے جاری کیے گئے بیان کے مطابق "جسٹس ماگرے کی نامزدگی لیگل سروس اتھارٹی ایکٹ 1987 (39 اف 1987) کے تحت کی گئی ہے-"

جسٹس ماگرے آرٹیکل 370 کی منسوخی کے بعد لداخ لیگل سروسز اتھاریٹی کے پہلے ایکزیکیٹیو چیئرمین ہوں گے۔