موصولہ اطلاعات پر کارروائی کرتے ہوئے پلوامہ پولیس نے ایک منشیات فروش سے 35 کلو فکی برآمد کی جس کی شناخت محمد مقبول وانی ولد عبد الرحمن ساکنہ متریگام پلوامہ کے بطور ہوئی ہے۔ اس ضمن میں پولیس نے پولیس اسٹشین پلوامہ میں اس کے خلاف ایف آئی آر نمبر 37/2020 کے تحت مقدمہ درج کیا ہے۔
اس کے علاوہ پلوامہ پولیس نے ایک اور منشیات فروش کو گرفتار کیا ہے جس کی شناخت مختار احمد ملک ساکنہ ڈلی پورہ پلوامہ کے بطور ہوئے ہے۔ پولیس کے مطابق یہ علاقے کے نوجوانوں میں نشہ آور انجیکشن کی فراہمی میں ملوث ہے۔ اس کے قبضے سے بڑی مقدار میں نشیلی ادویات برآمد کی گئی ہے۔
مزید اس کی I-10 گاڑی بیئرنگ نمبر DL3CAQ-4882 پولیس کے مطابق جس کو منشیات فروش نے ریاست سے باہر سے منشیات درآمد کرنے کے لئے استعمال کیا کرتا ہے، اسے بھی ضبط کرلیا ہے۔ پولیس اسٹشین پلوامہ میں ایف آئی آر نمبر 38/2020 کے تحت مقدمہ درج کیا گیا ہے اور تفتیش شروع کردی گئی ہے۔
وہیں پلوامہ پولیس نے 15/16 مارچ کی درمیانی شب میں دو منشیات فروشوں کو گرفتار کیا جن کی شناخت مختار احمد بٹ ولد غلام رسول اور شبیر احمد بٹ ولد محمد اکبر یہ دونوں کنزی پورہ پلوامہ کے رہنے والے ہیں۔ ان کے قبضے سے 190 کلو وزنی فکی پاؤڈر اور پوست کے بھوسے کو پیسنے کے لئے استعمال ہونے والے متعدد چیزوں کو ان کے قبضے سے برآمد ہوئے ہیں۔ ابتدائی تفتیش کے دوران یہ انکشاف ہوا ہے کہ دونوں کی اس سازو سامان کو ریاست سے باہر لے جانے کا ارادہ تھا۔ پولیس اسٹشین پلوامہ میں ایف آئی آر نمبر 41/2020 کے تحت مقدمہ درج کیا گیا ہے اور تفتیش شروع کردی گئی ہے۔
مزید پولیس اسٹشین کاکا پورہ نے ایک منشیات فروش کو بھی گرفتار کیا ہے جس کی شناخت عبد المجید شیخ ولد محمد رمضان ساکن کھڈرموہ کے بطور ہوئی ہے اور اس کے قبضے سے 3.8 کلوگرام بھانگ برآمد ہوئی ہے۔ پولیس اسٹیشن کاکاپورہ میں ایف آئی آر نمبر 12/2020 کے تحت مقدمہ درج کیا گیا ہے۔
