شوپیان میں سرچ آپریشن

جنوبی کشمیر کے ضلع شوپیان کے اگلرزین پورہ علاقے میں سکیورٹی فورسز کی جانب سے تلاشی مہم جاری ہے۔

اطلاعات کے مطابق شوپیان کے اگلرزین پورہ علاقے میں عسکریت پسندوں کے چھپے ہونے کی اطلاع موصول ہونے کے بعد فوج، سی آر پی ایف اور ایس او جی کی مشترکہ ٹیم نے علاقے کو محاصرے میں لے لیا اور تلاشی کارروائی شروع کی۔

سکیورٹی اہلکاروں نے علاقے کی جانب جانے والے تمام راستوں کو سیل کر دیا ہے اور گھر گھر تلاشی مہم جاری ہے۔

واضح رہے کہ گزشتہ کئی روز بھی سکیورٹی فورسز نے شوپیان کے مختلف علاقوں کو محاصرے میں لیا تھا اور تلاشی مہم شروع کی تھی۔