جموں سری نگر ہائی وے کو یکطرفہ ٹرافک کے لیے کھول دیا گیا ہے۔ سری نگر سے جموں جانے والی شاہراہ کو کھول دیا گیا ہے۔
جموں و کشمیر کے بالائی علاقوں میں برفباری اور میدانی علاقوں میں مسلسل بارش کی وجہ سے جموں - سرینگر قومی شاہراہ پر ٹریفک کی نقل و حمل معطل کر دی گئی تھی۔ قومی شاہراہ این ایچ 44 کے ملحقہ علاقوں میں زبردست برفباری اور تودے گر آئے ہیں جس کی وجہ سے سڑک پر نقل و حمل بند ہو گئی تھی۔ شاہراہ کو یکطرفہ ٹرافک کے لیے کھول دیا گیا ہے۔
کشمیر کو ملک کے ساتھ جوڑنے والی واحد شاہراہ کے بند ہونے سے لوگوں کو مشکلات کا سامنا پڑتا۔ وہیں شاہراہ پر درماندہ ڈرائیور صاحبان اور مسافر بھی سہولیات کی عدم فراہمی سے مایوس ہوجاتے ہیں۔
برفباری کی وجہ سے اگرچہ عوام میں خوشی پائی جا رہی ہے۔ تاہم قومی شاہراہ پر متعدد مقامات پر پھنسے ڈرائیور پریشان ہیں۔
واضح رہے کہ جموں و کشمیر کے بالائی علاقوں میں برفباری اور میدانی علاقوں میں مسلسل بارش کی وجہ سے جموں - سرینگر قومی شاہراہ پر ٹریفک کی نقل و حمل معطل کر دی گئی ہے۔ قومی شاہراہ این ایچ 44 کے ملحقہ علاقوں میں زبردست برفباری اور تودے گر آئے ہیں جس کی وجہ سے سڑک پر نقل و حمل بند ہو گئی ہے۔
محکمۂ ٹریفک نے عوام سے اپیل کی ہے کہ وہ قومی شاہراہ کا رخ نہ کریں کیونکہ پسیاں گر آنے کی وجہ سے جواہر ٹنل بند کر دیا گیا ہے۔ انہوں نے بتایا کہ رامبن، پنتھال اور تریشول مور پر شاہراہ بند ہو گئی ہے۔
