برفباری کے باعث سرینگر جموں قومی شاہراہ پر ٹریفک کی نقل و حرکت میں خلل پڑا ہے۔
سرینگر جموں شاہراہ پر ٹریفک بحال
اس دوران بیکن عملہ نے صبح سے ہی شاہراہ پر برف ہٹانے کا کام شروع کیا ہے۔ جواہر ٹنل کے دونوں اطرف پہلی برفباری کی وجہ سے پھسلن ہو رہی ہے۔
رام بن، منکی موڑ، پنتھیال، شیر بی بی، سلاڑھ اور ناچلانہ سمیت کئی مقامات پر پتھروں کے گر آنے کی وجہ سے اتوار سے ہی ٹریفک کی نقل و حرکت کیلئے ٹنل کو بند کر دیا گیا تھا اور شاہراہ کے کئی مقامات پر ٹریفک کو روک دیا گیا تھا۔
تاہم موسم میں بہتری کے ساتھ ہی جواہر ٹنل پر تعینات بیکن کی مشینری نے جواہر ٹنل کے آر پار شاہراہ سے چار پانچ انچ برف کو صاف کر کے شاہراہ کے اس حصے کو قابل آمدورفت بنا کر مال بردار ٹریفک کو جموں سے سرینگر کی طرف چلنے کی اجازت دی۔
