جموں وکشمیر کے ضلع اننت ناگ میں گزشتہ شام سے جاری تصادم ختم ہوگیا۔ اس دوران دو عسکریت پسندوں کے ہلاک ہونے کی خبر ہے۔
اننت ناگ میں تصادم ختم، دو عسکریت پسند ہلاک
سکیورٹی فورسز کو علاقہ میں چند عسکریت پسندوں کی موجودگی کی مصدقہ اطلاع موصول ہوئی تھی جس کے بعد فوج کی 3 آر آر ،سی آر پی ایف اور جے کے پولیس نے مشترکہ طور علاقہ کو محاصرہ میں لے کر تلاشی کاروائی شروع کی تھی۔
تلاشی کاروائی کے دوران وہاں پر چھپے عسکریت پسندوں نے سیکیورٹی فورسز پر فائرنگ کی اور دونوں طرف سے فائرنگ کا سلسلہ شروع ہو گیا، تاہم اندھیرا ہونے کے بعد فائرنگ کا سلسلہ تھم گیا تھا، لیکن آج علی الصبح دونوں طرف سے فائرنگ کا سلسلہ دوبارہ شروع ہوا تھا جس کے نتیجے میں 2 عسکریت پسند کے ہلاک ہونے خبر ہے۔
