بی جے پی رہنماؤں کا سشما سوراج کو خراج عقیدت

سابق وزیر خارجہ سشما سوراج کے انتقال پر پورا ملک غم میں ڈوبا ہوا ہے۔

آج جموں میں بی جے پی رہنما اور تمام پارٹی کارکنوں نے سشما سوراج کو خراج عقیدت پیش کیا ہے۔

اطلاعات کے مطابق جموں بی جے پی دفتر میں ریاست کے سابق نائب وزیر اعلی نرمل سنگھ، سابق شہری ترقیاتی وزیر سیٹ شرما اور بی جے پی خواتین کارکنوں سمیت متعدد سابق وزراءنے جموں کے بی جے پی آفس پہنچ کر انہیں خراج عقیدت پیش کیا۔

اس دوران بی جے پی کے سینیئر رہنما کویندر گپتا نے کہا کہ سشما سوراج کے ساتھ انہوں نے خود کام کیا ہے اور سشما سوراج ایک اچھی رہنما تھیں انہوں نے ہی ہمیں سیاست کا مطلب سمجھایا ہے۔بھلے ہی وہ آج ہمارے درمیان نہیں رہیں لیکن ملک ان کے دکھائے ہوئے راہ پر چلے گا۔