ہر برس 24 جولائی کو سی آر پی ایف کے 137 ویں بٹالین کے ذریعے یوم تاسیس منایا جاتا ہے۔
یہ بٹالین سنہ 2009 سے اودھم پور میں تعینات ہے اور پوری مستعدی کے ساتھ اپنی ذمہ داری کو نبھا رہی ہے۔
اس موقع پر محمد خالد خان کمانڈنٹ 137 بٹالین کی صدارت میں ایس آر ٹی کیمپس میں واقع 137 بٹالین کے ہیڈ کوارٹر میں مختلف تقاریب کا انعقاد کیا گیا۔
اس موقع پر ایس ڈی سنگھ جموال بھارتی پولیس سروس ڈائریکٹر جموں و کشمیر پولیس، شیر کشمیر پولیس اکیڈمی خصوصی مہمان کے طور پر شرکت کی۔ انہوں نے بٹالین کے ہیڈکوارٹر کا دورہ کیا۔
انہوں نے کوارٹر گارڈ سلامی لی اور شجر کاری کیے۔ شمع جلا کر تقریب کا آغاز کیا گیا۔
تقریب میں کئی طرح کے پروگرام پیش کیے گیے اور بٹالین کے جوانوں اور افسران کے بچوں کے ذریعے مختلف طرح کے رنگا رنگ پروگرام بھی پیش کیے۔
ای ٹی وی بھارت سے بات کرتے ہوئے بٹالین کے کمانڈنٹ محمد خالد خان نے کہا، 137 بٹالین ہمیشہ سے ہی لوگوں کی مدد کے لیے تیار ہے اور اس طرح کی تقریب کا انعقاد کروانے سے نوجوانوں کے کے اعتماد میں اضافہ ہوتا ہے اور یہ تناؤ سے دور رہتے ہیں۔ انہوں نے مزید کہا کہ امرناتھ یاترا کو لیکر 137 بٹالین اہم کردار ادا کر رہا ہے۔
