سرینگر لیہہ شاہراہ چٹان کھسکنے سے بند

سرینگر - لیہہ شاہراہ کی کنگن سونامارگ سڑک کو جمعہ کے روز مسلسل چٹان کھسکنے کے سبب ٹریفک کی نقل و حرکت کے لیے بند کر دیا گیا ہے۔

حکیم تنویر سب ڈسٹرکٹ مجسٹریٹ کنگن نے کہا کہ 'مانگنم کے بونیباغ علاقے کنگن کے قریب شاہراہ پر لینڈ سلائیڈ کی وجہ سے ٹریفک کی نقل و حرکت عارضی طور پر معطل کر دی گئی ہے۔'

انہوں نے مزید کہا کہ 'لینڈ سلائیڈ کی وجہ سے تین مکانات اور 15 دکانوں کو بھی نقصان پہنچا ہے۔ تاہم کسی بھی جانی نقصان یا زخمی ہونے کی کوئی اطلاع موصول نہیں ہوئی ہے۔'

انہوں نے مزید کہا کہ 'مشینری کے زرئعے سڑک کی صفائی جاری ہے تاکہ ٹریفک کی نقل و حرکت جلد از جلد بحال کی جائے۔