محکمہ رقم واگزار کرنے میں لیت لعل کررہا ہے

ہاوسنگ فار آل اسکیم کے تحت آنے والے پٹن بارہمولہ سے آئے کچھ لوگوں کا الزام ہےکہ متعلقہ محکمہ انکی واجب ادا رقم واگزار کرنے میں لیت و لعل کررہا ہے جس کی وجہ سے انہیں کافی مشکلات کا سامنا کرنا پڑتا ہے۔

ڈپٹی کمشنر بارہمولہ کو اپنی عرضداشت پیش کرنے آئے ان لوگوں کو خالی ہاتھ ہی لوٹنا پڑا کیونکہ ڈی سی بارہمولہ افسران کی میٹنگز میں مصروف رہے۔

ان لوگوں کا کہنا ہے کہ لوازمات پورے کرنے کے باوجود بھی محکمہ ان کی رقم واگزار نہیں کر رہا ہے جبکہ ان میں سے بیشتر لوگوں نے اپنے مکانات کی تعمیر کو مختلف مراحل تک پورا کیا ہے۔

ان لوگوں کا مطالبہ ہے کہ ان کی واجب ادا رقم واگزار کی جائے تاکہ وہ اپنے مکانات کی تعمیر کو مکمل کر سکیں۔