جموں و کشمیر کے ضلع کشتواڑ کے بلاک درابشلہ میں مسلسل بارش کے سبب مقامی افراد کے دُکان اور مکان کے اوپر پتھر گر آنے سے زبردست نقصان ہوا ہے۔
اطلاعات کے مطابق ہاشم دین اور مُنیر حسین نامی مقامی افراد کے مکانوں اور دکانوں پر اچانک بڑا پتھر گر آیا جس کی وجہ سے انہیں کافی نقصانات سے دوچار ہونا پڑا ہے۔
اس دوران سرتھل چوکی پولیس بھی موقع واردات پر پہنچے اور رپورٹ طلب کی ۔
بتایا جاتا ہے کہ مُنیر حسین پیشہ سے درزی کا کام کرتا ہے وہ اپنی سلائی سینٹرسے اپنے گھر اور اہل خانہ کا خرچہ چلاتا تھالیکن اچانک پتھر آنے پر اس کا روزگار ہی ختم ہوگیا ۔
اس دوران مُنیر حسین اور ہاشم دین نے میڈیا سے بات کرتے ہوئے کہا کہ ضلع ترقیاتی کمشنر کشتواڑ سے پُر زور مانگ ہے کہ ہمیں اس کا معاوضہ دیا جائے جس سے ہم پھر سے سلائی سینٹر کا قیام عمل میں لاکر اپنے اہل خانہ کے لیے دو وقت کا کھانا اور روزگار کما سکے ۔'
:
