ریچھ کے حملے سے آدھا درجن بھیڑ ہلاک

جموں و کشمیر کے ضلع کپواڑہ کے دیہی علاقے میں ان دنوں ریچھ کا بھیڑ بکریوں پر بہت زیادہ حملہ ہو رہا ہے، جس کی وجہ سے مویشی پالنے والے بے حد پریشان ہیں۔

یہ واقعہ ضلع کپوڑاہ کے قصبہ ہندواڑہ کے شاٹھی گام کا ہے۔

اس علاقے میں بھیڑ اور بکریوں پر ریچھ برابر حملہ کرتے رہتے ہیں۔

گذشتہ روز شاٹھی گام راجوار میں ایک ریچھ نے آدھے درجن سے زیادہ بھیڑ اور بکریوں کو ہلاک کر دیا ہے۔

سید محمد مقبول گیلانی ساکنہ شاٹھی گام راجوار ہندوارہ کے گاو خانے میں ریچھ نے گھس کر کئی بھیڑوں کو ہلاک کردیا ۔

انہوں نے بتایاگزشتہ رات ایک ریچھ نے گاوخانے میں گھس کر نصف درج بھیڑوں حملہ کیا۔

انہوں نے محکمہ جنگلات سے اپیل کی کہ وہ ان جنگلی جانوروں کو پکڑنے کے لئے پنچڑا لگائیں جائے تاکہ اس ریچھ کو پکڑ لیا جائے اور شاٹھی گام کے لوگ راحت کی سانس لیں سکے۔

محکمہ جنگلات کے ایک بلاک افسر حفیظ اللہ خان نے بتایا آئندہ دو دنوں کے اندر اندر مذکورہ گاؤں میں ریچھ کو پکڑنے کے لئے پنجرا لگایا جائے گا۔