اس سے قبل مریضوں کو خصوصی فضائی سروس کے ذریعے گریز سے بانڈی پورہ پہنچایا گیا۔
مرکز کے زیر انتظام جموں کشمیر میں رواں مہینے کی سات تاریخ کو شدید برف باری کی وجہ سے گریز بانڈی پورہ سڑک ٹریفک کے لئے بند کر دی گئی تھی، تاہم آج اس اہم شاہراہ کو ٹریفک کی نقل حمل کے لئے بحال کیا گیا۔
اہم رابطہ سڑک بند ہونے سے مسافروں، مریضوں اور طلبا کو کافی مشکلات کا سامنا تھا۔
اسی دوران آج ڈپٹی کمشنر بانڈی پورہ شہباز احمد مرزا نے از خود رازدان ٹاپ کا دورہ کر کے میکانیکل انجینئرنگ کی جانب سے برف ہٹانے کے کام کا جائزہ لیا اور مقررہ وقت میں برف ہٹانے کے کام کی سراہنا کی۔
اس موقع پر ان کے ہمراہ میکانیکل انجینئرنگ محکمہ کے علاوہ دیگر افسران بھی موجود تھے۔
غور طلب ہے کہ گریز میں درماندہ چار مریضوں کے علاوہ درجنوں مسافروں کو خصوصی فضائی سروس سے بانڈی پورہ پہنچایا گیا۔
واضح رہے کہ 14 روز کے بعد گریز بانڈی پورہ سڑک کو گاڑیوں کی آمد و رفت کے کھول دیا گیا ہے اور درماندہ گاڑیوں کو گریز سے بانڈی پورہ جانے کی اجازت دی گئی۔
