سرینگر میں اسمارٹ اسکولز اب بچوں کی تقدیر سنواریں گے

جموں و کشمیر حکومت کی طرف سے سرینگر میں 25 اسمارٹ اسکولز لائیبرییز، سائنس لیبس، اسمارٹ کلاس رومز سے لیس ہیں۔

مرکز کے زیر انتظام علاقے جموں و کشمیر کے ضلع سرینگر میں حکومت کی طرف سے 25 اسمارٹ اسکولز قائم کیے گئے ہیں، یہ اسکولز لائیبرییز،سائنس لیبس، اسمارٹ کلاس رومز اور دوسری کئی سہولیات سے لیس ہیں۔

سرینگر میں ان اسمارٹ اسکولز میں ساری فیسلیٹز اسمارٹ طریقے سے بچوں کو مہیا کی گئی ہیں۔

ایک طالبہ مہرین بھٹ نے بتایا 'انہوں نے کسی بھی اسکول میں ایسی سہولیات نہیں دیکھی ہیں، ان فیسلیٹز سے پڑھائی اور آسانی سے ہوگی، جو سہولیات ان کے اسکول میں ہے وہ کسی بھی غیر سرکاری ادارہ میں نہیں ہیں۔ اسکول کا ماحول اور استاذ کافی خوشگوار ہیں'۔

ضلع سرینگر کے ڈپٹی کمشنر ڈاکٹر شاہد اقبال چوہدری نے ٹویٹ کرکے کہا کہ یہ ہماری طرف سے نئے سال کا تحفہ ہے، سرینگر میں یہ 25 اسمارٹ اسکولز اب بچوں کو تعلیم فراہم کرانے کے لیے تیار ہیں۔

ڈاکٹر شاہد اقبال چوہدری کا ٹویٹ

انتظامیہ کی طرف سے گزشتہ سال 19 ستمبر کو اسمارٹ اسکولز پروجیکٹ کا اعلان کیا تھا، جس کے بعد اب یہ اسکولز بچوں کو تعلیم فراہم کرانے کے لیے تیار ہیں۔

اسکولی بچوں کا کہنا ہے 'انہیں اب پریکٹیکل طریقے سے پڑھایا جا رہا ہے اور غیر سرکاری اسکولوں سے اچھی پڑھائی ان کے اسکول میں ہو رہی ہے۔

یہ پروجیکٹ سرینگر میں 25 اسکولوں کو اسمارٹ اسکولز میں بدلنے کے لیے شروع کیا گیا تھا، جس کے بعد ان اسکولوں میں جدید انفراسٹرکچر کے ساتھ اسمارٹ کلاس رومز تشکیل دیے گئے ہیں۔