یہ معاملہ اُس وقت پیش آیا جب ضلع انتظامیہ کی جانب سے محکمہ زراعت کی ایک ٹیم نے گزشتہ روز ژالہ باری سے پیدا شُدہ صورتحال کا جائزہ لینے کے لیے کولگام کے مختلف علاقوں کا دورہ کیا۔
دورے کے دوران ٹیم نے آسنور کے ایک گاؤں میں کسانوں کے ایک گروپ سے مٹینگ بھی طلب کی جس کی رپوٹ ای ٹی وی بھارت نے بھی کی۔
معاملہ اُس وقت پیش آیا جب وہاں کسانوں کے ایک گروپ میں ایک شخص نے زراعت کے ملازمین کے ساتھ بدسلوکی کی اور انہیں کہا کہ سرکار اور ضلع انتظامیہ بے کار ہیں۔
اس معاملے کو زراعت محکمے کی ایک ٹیم نے ضلع ترقیاتی کمشنر شوکت اعجاز بٹ کے نوٹس میں لایا۔
تحقیقات کے دوران اس بات کا خلاصہ ہوا کہ سرکار کے خلاف بولنے والا مذکورہ شخص خود پیشے سے سرکاری اُستاد کے بطور کام کررہا ہے۔
وہیں ضلع ترقیاتی کمشنر کی ہدایت پر اور محکمے تعلیم نے سرکاری اُستاد جو کہ رہبر اُستاد گورنمنٹ مڈل اسکول میروانی میں کام کر رہے ہیں کو ضلع انتظامیہ کے خلاف بولنے پر معطل کیا ہے۔
