جنوبی کشمیر کے کوکرناگ کے ژیرواڑ علاقہ کے جنگل میں شام دیر گئے اچانک آگ لگ گئی جس میں کئی جنگلی پیڑوں کو شدید نقصان ہوا ہے۔
تفصیلات کے مطابق کوکرناگ کے ژیرواڑ علاقہ کے جنگلاتی اراضی کمپارٹمنٹ نمبر 102 میں گزشتہ شام اچانک آگ نمودار ہوئی جس نے آناً فاناً جنگل میں موجود کئی پیڑوں کو اپنی لپیٹ میں لے لیا۔
ذرائع کے مطابق حلقہ انتخاب کوکرناگ کے ژیر واڑ کے کمپاٹمینٹ نمبر 102 میں اچانک آگ ظاہر ہوئی جس سے جنگلات کے ایک وسیع حصے کو اپنی لپیٹ میں لیا ہے۔ اس دوران محکمہ جنگلات اور مقامی لوگوں نے آگ پر قابو پانے کے لئے زبردست کوشش کی۔
ادھر محکمہ جنگلات کے ایک آفیسر نے بتایا کہ خشک سالی کی وجہ سے جنگلوں میں آگ لگنا عام بات ہوگئی ہے۔ تاہم محکمہ کے ملازمین اور مقامی لوگ آگ پر قابو پانے کی جی توڑ کوشیشوں میں لگے ہوئے ہیں۔
ان کا کہنا ہے کہ اندھیرا ہونے کے سبب ابھی تک نقصان کا اندازہ لگانا مشکل ثابت ہو رہا ہے۔
