اطلاعات کے مطابق آج تقریباً چار بجے وائلڈ لائف ایریا میں اگ لگ گئی جو تا حال مزید پھیل رہی تھی۔
مقامی باشندوں نے محکمہ جنگلات و وائلڈ لائف ایریا کے ملازمین پر غفلت برتنے کا الزام عائد کیا ہے کیونکہ لاک ڈاؤن کی وجہ سے روزانہ سینکڑوں لوگ جنگل میں سبزیوں کی تلاش میں نکلتے ہیں اور انسانی نقل و حمل کی وجہ سے ان جنگلات میں آگ لگی ہے۔
اس ضمن میں رینج افسر ترال فاروق احمد نے ای ٹی وی بھارت کو فون پر بتایا کہ مذکورہ علاقے کی طرف ایک ٹیم کو روانہ کیا گیا ہے اور وہ جلد ہی آگ پر قابو پانے میں کامیابی حاصل کر لے گی۔
واضح رہے کہ اس سے قبل بھی ان جنگلات میں آتشزدگی کے متعدد واقعات رونما ہو چکے ہیں۔
