بارہمولہ تصادم: چار عسکریت پسند، دو سی آرپی ایف اور ایک پولیس اہلکار ہلاک

شمالی کشمیر کے ضلع بارہمولہ کے کریری علاقے میں فوج اور عسکریت پسندوں کے درمیان تصادم شروع ہوا ہے جس میں 4عسکریت پسند، دو سی آر پی ایف اور ایک پولیس اہلکار ہلاک ہو گئے جبکہ دو اہلکار زخمی ہوئے۔

اطلاعات کے مطابق کریری علاقے میں عسکریت پسندوں نے سی آر پی ایف کی ناکہ پارٹی پر آج صبح 9:30 بجے کے قریب فائرنگ کی جس میں4 عسکریت پسند ، دو سی آر پی ایف اور ایک پولیس اہلکار ہلاک ہو گئے۔

اس حملے کے بعد فوج نے علاقے کو محاصرے میں لے کر تلاشی کاروائی شروع کی۔ تلاشی کاروائی کے دوران عسکریت پسندوں نے فوج پر فائرنگ جس کے بعد طرفین کے درمیان تصادم شروع ہوگیا ۔