ریلی میں پی ڈی پی کی صدر و سابق وزیر اعلیٰ محبوبہ مفتی نے کہا کہ ریاست کی پہچان کو بچانے کے لیے ووٹ کریں۔
ریلی کے دوران محبوبہ مفتی نے عوام سے گزارش کی کہ وہ آنے والے انتخابات میں پی ڈی پی کے امیدوار آغا محسن کو کامیاب بنائیں۔
انہوں نے مزید کہا کہ فاروق عبداللہ خود کو بزرگ کہتے ہیں تو اب ان کو نوجوانوں کو موقع دینا چاہیے۔
پاکستان کے وزیر اعظم عمران خان کے بیان کی مخالفت کرتے ہوئے محبوبہ مفتی نے کہا کہ "ریاست کے سابق وزیر اعلیٰ مفتی سعید نے بی جے پی سے الحاق اس لیے کیا تھا کہ انھیں یقین تھا وزیراعظم نریندر مودی کی صدارت میں کشمیر کا مسئلہ حل ہوگا، لیکن بی جے پی میں اتنی قوت نہیں۔"
انہوں نے مزید کہا کہ عوام کو ان پارلیمانی انتخابات میں بڑھ چڑھ کر حصہ لینا چاہیے کیونکہ کوئی نہ کوئی تو پارلیمنٹ کارکن بنے گا اور اگر وہ آپ کا نہیں ہوا تو کس سے جواب دہی مانگو گے؟"
واضح رہے کہ رینگر نشست کے لیے 18 اپریل کو انتخابات ہونے والے ہیں۔ سرینگر حلقے سے نیشنل کانفرنس کے صدر فاروق عبداللہ، پی ڈی پی سے آغا محسن اور بی جے پی سے خالد جہانگیر آمنے سامنے ہیں۔
