ترال: آری پل ترال میں محکمہ تعلیم کی ایک جائزہ میٹنگ منعقد ہوئی، جس کی صدارت ڈی ڈی سی ممبر ترال اور چیرمین ڈسٹرکٹ کونسل برائے ہیلتھ وتعلیم ڈاکٹر ہربخش سنگھ نے کی، جبکہ اس موقع پر سی ای او پلوامہ عبدالقیوم ندوی اور تعلیمی زون لرگام کے اسکول سربراہوں نے شرکت کی۔
میٹنگ میں سرکاری تعلیمی اداروں کے اندر اسٹاف کی کمی اور بنیادی ڈھانچے کی فراہمی کے حوالے سے ایک لمبی بحث کی گئی۔ جس دوران اسکول سربراہوں نے اپنے اپنے اسکولوں کے مسائل سے آفیسران کو آگاہ کیا۔ ڈی ڈی سی موصوف نے تمام مسائل کو غور سے سنا اور ان کو ترجیحی بنیادوں پر حل کرنے کی یقین دہانی کرائی۔
ڈاکٹر ہربخش سنگھ نے میڈیا کو بتایا کہ سرکاری اسکولوں میں تعلیمی معیار کافی بڑھ گیا ہے۔ انکی کوشش رہے گی کہ آری پل کے اسکولوں میں نظام تعلیم کو بہتر بنایا جائے اور اس حوالے سے جہاں سٹاف کی کمی وہاں سے دور کرنے کے اقدام کیے جائیں۔ انہوں نے مزید کہاکہ وہیں تعلیمی ڈھانچے کو مضبوط بنانے کے لیے ٹھوس اقدامات کیے جا رہے ہیں۔ انہوں نے اساتذہ پر زور دیا کہ وہ اسکولوں میں رول بڑھانے کے لیے بھی محنت کریں۔
اس سے قبل گورمنٹ ڈگری کالج ترال نے این جی اور سی میڈکل سپر 30 سرینگر کے اشتراک سے کالج آڈیٹوریم میں گیارویں اور بارویں جماعت کے طلبہ کے لیے ایک آگاہی سیمنار کا اہتمام کیا گیا۔ اس سیمنار میں ایڈیشنل ڈپٹی کمشنر ترال ساجد یحییٰ نقاش مہمان خصوصی کے طور پر شریک ہوئے، اس کے علاوہ کالج کے پرنسپل ڈاکٹر مشتاق احمد ملک اور تحصیلدار ترال سجاد احمد بھی اس موقع پر موجود رہے۔
پروگرام کا مقصد طلبہ کو نیٹ اور دیگر امتحانات کے بارے میں آگاہی دینا تھا۔ اس دوران طلبہ کو بتایا گیا کہ نیٹ اور دیگر امتحانات کے لیے ان طلبہ کو فری میں کوچنگ ملے گی جو طلبہ این جی اور سی میڈکل سپر 30 کے ریٹن ٹیسٹ میں اچھے نمبرات حاصل کرے گے۔ مقامی طلبہ نے اس طرح کے پروگرامز کو منعقد کرانے کے لیے کالج انتظامیہ کا شکریہ ادا کیا اور کہا کہ اس طرح کے اقدامات سے انہیں بہت فائدہ ملے گا۔
