مین ٹاؤن ترال سے تین کلومیٹر کے فاصلے پر واقع لری بل گاؤں میں پینے کے پانی کی عدم دستیابی سے آبادی کو زبردست دقتوں کا سامنا کرنا پڑ رہا ہے جبکہ پانی کے دو بوند حاصل کرنے کے لیے خواتین کو کئی کلومیٹر دور جانا پڑ رہا ہے۔
مقامی لوگوں نے بتایا کہ شدت کی گرمی کے ان ایام میں آبادی کو پینے کے پانی سے محروم رکھنا ناانصافی ہے۔
مقامی نوجوان سرتاج احمد نے ای ٹی وی بھارت کے ساتھ بات کرتے ہوئے کہا کہ متعلقہ حکام گاوں کو پینے کا صاف پانی فراہم کرنے میں عدم دلچسپی کا مظاہرہ کر رہے ہیں ایک اور شہری نے بتایا کہ جل شکتی ملازمین موٹی رقومات کے عوض غیرقانونی کنکش دے رہے ہیں جسکی وجہ سے حقداروں کو پانی فراہم نہیں ہو رہا ہے۔
ایک اور شہری نے الزام عائد کیا کہ جل شکھتی محکمہ کی لاپرواہی سے آبادی کو سخت گرمی کے ان ایام میں مشکلات درپیش ہیں۔
مقامی لوگوں نے ضلع ترقیاتی کمشنر پلوامہ سے زاتی مداخلت کی اپیل کی ہے۔
