مرکز کے زیر انتظام جموں وکشمیر کے صوبہ جموں میں آج ڈوگرہ فرنٹ کے کارکنان نے پارٹی صدر اشوک گپتا کی صدارت میں رانی پارک علاقے سے پریڈ گراونڈ تک ایک احتجاجی ریلی نکالی۔
احتجاج میں شامل ڈوگرہ فرنٹ کے کارکنان نے سابق ریاست جموں کشمیر کے مہاراجہ ہری سنگھ کے نام پر چھٹی کا اعلان کرنے کے حق میں نعرے بازی کی۔ اس کے ساتھ ساتھ وزیر شاما پرساد مکھرجی کے جنم دن پر بھی چھٹی کی مانگ کی۔
ڈوگرہ فرنٹ کے صدر اشوک گپتا نے احتجاج کے بعد ذرائع ابلاغ کے نمائندوں سے بات کرتے ہوئے کہا کہ جموں کشمیر کے بانی مہاراجہ ہری سنگھ کے جنم دن پر سرکاری کیلینڈر میں چھٹی کا اعلان کرنا سرکار کا حق ہے۔
انہوں نے مزید کہا 'ریاست جموں کشمیر کی خوشحالی اور ترقی کے لئے مہاراجہ ہری سنگھ نے کافی قربانی دی ہیں'۔
انہوں نے کہا 'شاما پرساد مکھرجی کے نام پر بھی سرکاری چھٹی ہونی چاہئے کیونکہ ہندوستانیوں کو جموں کشمیر میں داخل ہونے سے روکا جارہا تھا لیکن مکھرجی نے لوگوں کو ان کا حق دلایا۔
