میڈیکل بلاک عسّر کے تحت آنے والے محکمہ صحت کے ملازمین بشمول آشا ورکرس کو کوی شیلڈ کے ٹیکے لگانے کے لئے ٹروما اسپتال کھلینی میں ایک کیمپ کا انعقاد کیا گیا، جس میں متعدد ملازمین کو ٹیکے لگائے گئے۔
کیمپ میں آنگن واڑی ورکرس، آشا ورکرس، محکمہ صحت کے مختلف زمرے کے تحت آنے والے سو کے قریب ملازمین کو کورنا کی ویکسین دی گئی۔ کھلینی میں تعینات ڈاکٹر فہیم نے بتایا کہ لوگ حکومت کی طرف سے جاری کی گئی ہدایات پر عمل کریں اور بغیر کسی تذبذب کے ویکسین کا استعمال کریں۔
انہوں نے مزید بتایا کہ سوشل میڈیا یا دیگر ذرائع پر ویکسین سے متعلق فرضی افواہیں گرم ہیں جن میں کوئی سچائی نہیں ہے۔
انہوں نے مزید بتایا کہ کیمپ میں پہلے نمبر پر ٹیکہ لگوایا اور ٹیکہ لینے کے بعد اُن کو کوئی بھی فرق نہیں پڑا۔ یہ بہت مفید ویکسین ہے۔ جس کا انتظار کافی طویل وقت سے کیا جا رہا تھا۔ چونکہ یہ ویکسین بہت مہنگی ہے، اس لئے لوگوں کو چاہئے کہ سرکاری سہولیت کا فائدہ اُٹھائیں۔
سرکاری ذرائع کے مطابق ضلع میں اب تک 1050 کوی شلیڈ کے ٹیکے لگائے گئے ہیں۔
