طلباء تنظیم نے قومی دارالحکومت میں زیر تعلیم کشمری طلباء سے درخواست کی ہے کہ وہ دستیاب ہیلپ لائنز سے رابطہ کریں جہاں طلباء اپنی شکایات درج کرسکے۔
قومی دارالحکومت میں رونما ہونے والے تشدد کے دوران اب تک 17 افراد ہلاک ہوئے ہیں۔ ہلاک ہونے والوں میں ایک پولیس اہلکار بھی شامل ہے۔ اس کے علاوہ 200 سے زائد افراد زخمی ہوئے ہیں۔
اسٹوڈنٹس ایسوسی ایشن کی جانب سے جاری کردہ ایک بیان میں کہا گیا ہے کہ دہلی میں تشدد کے بعد کشمیری طلباء کی مشکلات پر مناسب توجہ دینے کے لیے ایک پلیٹ فارم بنایا گیا ہے۔
ایسوسی ایشن نے تمام طلباء سے اپیل کی ہے کہ وہ اپنی مشکلات، شکایات کو کھل کر درج کریں تاکہ اس کا حل تلاش کیا جاسکے۔
جموں و کشمیر اسٹوڈنٹس ایسوسی ایشن کے ترجمان نے دہلی میں کشمیری طلبا سے صبر و تحمل کی درخواست کی۔ انہوں نے کہا کہ ہم نے دیکھا کہ والدین اپنے بچوں کو تشدد کے مقامات اور ہجوم سے دور رہنے کا مشورہ دیتے ہیں۔
