اننت ناگ میں خاموش احتجاج

سکیپرس اینڈ گارڈینرس ورکرس ایسوسی ایشن کے ایک وفد نے آج اننت ناگ میں  اپنے مطالبات کو لے کر خاموش احتجاج کیا۔

احتجاجیوں کے مطابق انہوں نے 2016 میں محکمہ فلوکلچر میں مختلف آسامیوں کے لئے درخواستیں جمع کی اور امتحان کوالیفائی کرنے کے باوجود بھی ابھی تک حتمی لسٹ کو اجرا نہیں کیا گیا۔ جسکی وجہ سے یہ لوگ طرح طرح کی مشکلات سے دوچار ہو گئے ہیں۔

احتجاجیوں نے کہا کہ ہم نے کئی بار یہ مسئلہ متعلقہ حکام و سرکار کی نوٹس میں لایا لیکن اس کے باوجود بھی ابھی تک کچھ حاصل نہیں ہو سکا۔

انہوں نے لیفٹیننٹ گورنر انتظامیہ و ایڈوائزر سے فوری مداخلت کی اپیل کرتے ہوئے ان کا مستقبل بچانے کی تلقین کی ہے۔