اننت ناگ میں ڈرینیج نظام پوری طرح ناکام

جموں و کشمیر کے ضلع اننت ناگ کے سڈورہ علاقہ کے لوگوں کی شکایت ہے کہ ان کے علاقہ میں ڈرینیج نظام پوری طرح ناکام ہو چکا ہے، جس کی وجہ سے انہیں روزانہ مشکلات کا سامنا کرنا پڑتا ہے۔

ان کا کہنا ہے کہ ڈرینیج نظام ناکارہ ہونے کی وجہ سے معمولی بارش ہونے کے بعد گلی کوچوں میں پانی جمع ہو جاتاہے، جس کے دوران لوگوں کو چلنے پھرنے میں دشواری ہو رہی ہے۔

مقامی لوگوں کا مزید کہنا ہے کہ نالیوں (ڈرینوں) میں کیچڑ و کچرا جمع ہونے کے سبب گرمیوں کے دوران بدبو پھیل جاتی ہے..جس کی وجہ سے کئی طرح کی بیماریاں پھوٹ پڑنے کا خطرہ لاحق رہتا ہے۔

لوگوں کا کہنا ہے کہ جہاں کورونا وائرس کے مدنظر شہرو دیہات میں سینٹائزیشن کی جا رہی ہے، وہیں سڈورہ علاقہ میں گندی نالیوں کی صاف و صفائی پر کوئی دھیان نہیں دیا جا رہا ہے۔

لوگوں نے انتظامیہ سے علاقہ میں ڈرینیج نظام کو درست کرنے کا پرُ زور مطالبہ کیا۔