جموں و کشمیر بی جے پی کے چیف ترجمان ایڈوکیٹ سنیل سیٹھی نے منشور کی اجرائی کے موقع پر میڈیا سے بات چیت کرتے ہوئے بتایا کہ بھارتیہ جنتا پارٹی نے عوام سے دفعہ 370 کو منسوخ کرنے میں وعدہ کیا تھا جسے پورا کیا گیا اور آج ہم فخر کے ساتھ یہ کہہ سکتے ہیں کہ جموں و کشمیر میں دیگر ریاستوں کی طرح مرکزی قانون نافذ ہے۔
ڈی ڈی سی انتخابات کےلیے بی جے پی کا انتخابی منشور جاری
انہوں نے کہا کہ بی جے پی ملک اور عوام کے مفاد کی بات کرنے پر یقین رکھتی ہے۔ انہوں نے نیشنل کانفرنس اور پی ڈی پی پر تنقید کرتے ہوئے کہا کہ ایسا پارٹیاں علحدگی پسند سیاست پر یقین رکھتی ہیں۔ انہوں نے کہا کہ ماضی میں کئے گئے کارناموں کو اپنے انتخابی منشور میں شامل کیا ہے جو کہ عوامی فلاح و بہبود کے لیے ناگزیر ہے۔ اس موقع پر بی جے پی کے جنرل سکریٹری اور سابق وزیر ڈاکٹر دیویندر کمار، ہریندر گپتا، سکریٹری اروند گپتا و دیگر رہنما موجود تھے۔
