پلوامہ: ڈی ڈی سی ممبر آری پل ترال منظور احمد گنائی نے آج اپنے حلقے کے دیور اور پانزو دیہات کا دورہ کیا۔ اس دوران انہوں نے وہاں دہی ترقی محکمے کے مختلف کاموں کا جائزہ لینے کے علاوہ عوامی وفود سے ملاقات کی۔ دیور میں عوام نے مہتا محلہ کی سڑک، دیگر گلی کوچوں کی تجدید و مرمت کے مسائل پر تبادلہ خیال کیا۔ڈی ڈی سی موصوف نے انکے تمام مسائل کو غور ست سنا اور لوگوں کو یقین دلایا کہ ان کے مسائل کو ترجیحی بنیادوں پر حل کیے جائیں گے بعد ازاں موصوف نے دیور ہائ اسکول کا دورہ بھی کیااور وہاں اسٹاف سے ملاقات کرکے انکے مسائل جاننے کی کوشش کی ۔
ڈی ڈی سی موصوف نے بعد میں پانزو جاکر وہاں بجلی کے ترسیلی نظام کے ساتھ ساتھ ،پینے کے پانی اور دیگر مسائل کے حوالے سے جانکاری حاصل کی جس دوران لوگوں نے اپنے مسائل ڈی ڈی سی موصوف کی نوٹس میں لاییے انہوں نے لوگوں کو یقین دہانی کروائی کہ انکے جایز مسائل ترجیحی بنیادوں حل ہوں گے-
یہ بھی پڑھیں:CRPF In The Valley سی آر پی ایف سری نگر جموں سری نگر قومی شاہراہ کی حفاظت میں مصروف
میڈیا کے ساتھ گفتگو کرتے ہوئے منظور احمد گنائی نے بتایاکہ عوام نے انھیں چن کر منتخب کیا ہے اور وہ عوامی مطالبات کو حل کرنے میں اپنا کردار ادا کریں گے تاہم۔انہوں نے لوگوں سے اپیل کی کہ دہی علاقوں میں تعمیر وترقی کے لیے وہ اپنا کردار ادا کریں تاکہ ترقی کو رفتار دی جا سکے۔
