کمیونسٹ پارٹی آف انڈیا کے جنرل سکریٹری اور سابق رکن اسمبلی محمد یوسف تاریگامی نے جموں و کشمیر کے نئے اراضی قوانین کو چیلینج کرتے ہوئے سپریم کورٹ میں عرضی دائر کی ہے۔
یوسف تاریگامی نے جموں و کشمیر کے نئے اراضی قوانین کو چیلینج کیا ہے جس کے تحت ملک بھر سے لوگ جموں و کشمیر میں زمین خرید سکتے ہیں۔
درخواست میں سی پی آئی (ایم) کے رہنما تاریگامی نے کہا ہے کہ مرکزی حکومت کے ذریعہ نافذ کردہ نئے زمینی قوانین ملک کے کسی بھی حصے سے کسی کو بھی زرعی اراضی سمیت جموں و کشمیر میں زمین خریدنے کی اجازت دیتے ہیں۔
جنوبی کشمیر کے ضلع کولگام سے چار بار رہ چکے رکن اسمبلی تاریگامی نے اپنی درخواست میں کہا ہے کہ اس طرح کے قوانین بنانے کے اختیارات مرکزی حکومت کے ذریعہ جموں و کشمیر تنظیم نو ایکٹ 2019 سے حاصل کی گئی ہے جو خود ہی غیر آئینی اور غیر قانونی ہے۔
واضح رہے کہ گذشتہ برس پانچ اگست کو دفعہ 370 اور دفعہ 35 اے کی منسوخی کے بعد غیر مقیم لوگ جموں و کشمیر میں کوئی غیر منقولہ جائیداد خرید سکتے تھے۔ اس نے غیر رہائشیوں کے لئے مرکزی علاقے میں زمین خریدنے کی راہ ہموار کر دی ہے۔
