ضلع انتظامیہ نے مریضوں کے لیے آج ضلع ہسپتال کی او پی ڈی کھول دی جس سے پسماندہ طبقے کے لوگوں خاص کر مریضوں نے راحت کی سانس لی ہے۔
اس دوران ہسپتال میں مریضوں اور تیماداروں کا رش دیکھنے کو ملا۔ ضلع ہسپتال میں ماہر امراض ڈاکٹروں نے مریضوں کا علاج کرنا شروع کر دیا ہے۔
انتظامیہ نے کروانا وائرس کے مشتبہ مریضوں کے لیے الگ تھلگ ہسپتال کا قیام ٹراما سنٹر رامبن میں( کووڈ-19) بنا کر پولیس کو ڈیوٹی پر تعینات کر دیا ہے تاکہ مشتبہ مریض مدت پوری ہونے سے قبل ہسپتال سے فرار ہوکر دوسروں کو اس بیماری میں مبتلا نہ کرسکیں۔
واضح رہے کہ رامبن کو حکومت نے اورنچ زون قرار دیا ہے ۔ انتظامیہ نے لاک ڈاون برقرار رکھتے ہوئے ضروی اشیاء خریدنے کے لیے بنشوں میں نرمی لائی ہے۔ اس سے قبل ضلع مجسٹریٹ نے ایک حکم نامہ جاری کیا جس کے مطابق ہسپتال انتظامیہ کو عام مریضوں کے لیے او پی ڈی کی سہولیات بہم رکھنے کے احکامات جاری کئے ہیں جس کئی مرض میں مبتلا مریضوں نے راحت کی سانس لی۔
