جموں و کشمیر میں آج کوروناوائرس کے مزید پانچ مثبت کیسز سامنے آئے ہیں جس سے اب کیسز کی کل تعداد 75 ہوگئی۔
جموں و کشمیر انتظامیہ کے پرنسپل سکریٹری روہت کنسل نے ان کیسز کی تصدیق کرتے ہوئے کہا کہ جموں و کشمیر میں آج مزید پانچ افراد کو کوروناوائرس کے لیے مثبت پایا گیا۔ اس طرح اب معاملات کی کل تعداد 75 ہوگئی جن میں سے 70 سرگرم ہیں۔ '
روہت کنسل نے کہا کہ' آج نئے مثبت کیسز میں سے چار وادی کشمیر جبکہ ایک کیس جموں خطے سے ہے۔'
انہوں نے کہا کہ 'کوروناوائرس کے مثبت کیسز سامنے آنے کے بعد جموں و کشمیر میں34 علاقوں کو ریڈ زون قرار دیا گیا ہیں۔ ان میں سے 24 وادی کشمیر میں ہیں جبکہ 10 جموں خطے میں ہیں- چار جموں، پانچ راجوری اور ایک ادھم پور میں ہیں۔'
