کورونا وائرس کے پھیلاؤ کی روک تھام کے لئے ہنگامی ضرورت کی وجہ سے ڈویژنل کمشنر لداخ ساوگت بسواس نے ایک حکمنامہ جاری کیا ہے۔ جس میں کہا گیا ہے کہ اے این 32 (کارگل کورئیر سروس)، آئی ایل -76، سی 17 اور لداخ میں پاون ہنس ہیلی سروسز کا آپریشن مسافروں کے لئے 15 اپریل 2020 تک معطل رہے گا۔
قابل ذکر ہے کہ لیہہ میں ایک 34 سالہ فوجی کا مثبت کیس پایا گیا۔ مسلح افواج میں یہ پہلا کووڈ۔ 19 معاملہ ہے۔ لیہہ کے چوہوٹ گاوں کا رہنے والا یہ جوان اپنے والد کے رابطہ میں آیا جو پہلے سے ہی انفیکشن کا شکار ہو چکے تھے۔ ان کے والد 20 فروری کو ائیر انڈیا کی فلائٹ سے ایران سے لوٹے تھے اور 29 فروری سے لداخ ہارٹ فاونڈیشن میں آئسولیشن میں رکھے گئے تھے۔
واضع رہے لداخ میں کورونا وائرس متاثرین کی تعداد بڑھ کر دس ہوئی ہے۔
