کووڈ 19: بانڈی پورہ میں راحت کی سانس

شمالی کشمیر کے ضلع بانڈی پورہ میں گزشتہ چار دنوں سے مسلسل کورونا وائرس کے حوالے سے لوگ راحت کی سانس لے رہے ہیں کیونکہ اس سے قبل ضلع میں آئے دن کے ساتھ نئے مثبت کیسز سامنے آرہے تھے۔

واضح رہے کہ ضلع جو کووڈ 19 کے تعلق سے پورے جموں وکشمیر میں کورونا وائرس سے سب سے زیادہ متاثرہ علاقہ ہے اور یہاں اب تک 128 کووڈ 19 سے مثبت کیس سامنے آئے ہیں۔

قابل ذکر ہے کہ گزشتہ چار دنوں سے ضلع میں صرف ایک مثبت کیس سامنے آیا ہے جبکہ 36 افراد جو کورونا سے پہلے متاثرہ پائے گئے تھے اب مکمل طور پر صحتیاب ہوچکے ہیں۔

ادھر لوگوں میں اس حوالے سے کہیں نہ کہیں جو خوف کا ماحول پایا جارہا تھا اس میں کمی واقع ہوگئی ہیں-

وہیں ضلع کے سب سے زیادہ متاثرہ دیہات گنڈ جہانگیر جسے ضلع میں کورونا کا مرکز کہا جارہا تھا، میں آج 12 افراد کو کورونا کو شکست دے کر اور مکمل طور پر صحتیاب ہونے کے بعد ہسپتالوں سے رخصت کیا گیا جو وہاں کے عوام کے لیے باعث مسرت خبر کے طور دیکھی جارہی ہے۔