سرینگر کے فتح کدل سے تعلق رکھنے والے 55 سالہ مریض کو کورونا وائرس میں مثبت پایا گیا تھا جس کے بعد 18 مئی کو انہیں ایس ایم ایس ایچ ہسپتال سے سی ڈی ہسپتال منتقل کیا گیا تھا-
سرینگر گورنمنٹ میڈیکل کالج کے ترجمان ڈاکٹر سلیم خان نے ای ٹی وی بھارت کو بتایا کہ بدھ کو 4 بجے اس مریض کا دل کا دورہ پڑنے سے موت واقع ہوئی-
کووڈ 19 وبا سے جموں و کشمیر میں مرنے والوں کی تعداد آج تک 24 ہوچکی ہے جبکہ اس مہلک وائرس میں تشخیص ہونے والے افراد کی تعداد 1769 ہے-
انتظامیہ نے ٹسٹنگ میں سرعت لای ہے جس کے باعث ڈاکٹروں کا ماننا ہے کہ کیسز میں اضافہ بھی ہورہا ہے-
لاک ڈاؤن دو ماہ سے جاری ہے لیکن لوگوں کی طرف سے احتیاطی تدابیر پر سنجیدگی سے عمل کرنے میں کوتاہی دیکھی جارہی ہے-
بیشتر لوگ ماسک اور سماجی فاصلہ رکھنے میں کوتاہی برت رہے ہیں جس سے ڈاکٹروں کے مطابق وائرس مزید پھیلنے کا امکان ہے۔
