سرچ آپریش کے دوران جھڑپیں

ریاست جموں و کشمیر کے ضلع اننت ناگ کے مکرپورہ اور اروانی علاقوں میں سکیورٹی فورسز کی جانب سے تلاشی مہم کے دوران مقامی نوجوانوں اور سکیورٹی فورسزکے درمیان جھڑپوں کی خبریں آرہی ہیں۔

عینی شاہدین کے مطابق تلاشی کارروائی کے دوران مقامی نوجوان سڑکوں پر نکل آئے اور سکیورٹی فورسز پر پتھراؤ کرنا شروع کر دیا اور جوابی کارروائی میں سکیورٹی فورسز نے مقامی نوجوانوں کو منتشر کرنے کے لیے آنسوں گیس کے گولے داغے۔

پولیس اہلکار کے مطابق علاقے میں عسکریت پسندوں کے چھپے ہونے کی اطلاع موصول ہونے کے بعد فوج نے علاقے کو محاصرے میں لیا اور تلاشی مہم شروع کی۔

خبر لکھے جانے تک علاقے میں سرچ آپریش جاری ہے۔

مزید تفصیلات کا انتظار ہے