ترال میں سرچ آپریشن

ذرائع کے مطابق علاقے کے تمام داخلی اور خارجی راستوں کو سیل کر دیا گیا ہے اور گھر گھر تلاشی کارروائی جاری ہے۔

جنوبی کشمیر کے ضلع پلوامہ کے ترال علاقے میں آج الصبح سکیورٹی فورسز کی جانب سے تلاشی کاروائی شروع کی گئی۔

تفصیلات کے مطابق عسکریت پسندوں کی موجودگی کی اطلاع ملنے کے بعد مین ٹاون سے بارہ کلومیٹر دور ڈار گنائی گنڈ نامی گاؤں کو فوج کی 42آرآر، سی آر پی ایف کی 185بٹالین اور ایس او جی ترال نے مشترکہ طور پر محاصرے میں لیا اور تلاشی مہم شروع کی۔

ذرائع کے مطابق علاقے کے تمام داخلی اور خارجی راستوں پر سکیورٹی فورسز کی بھاری نفری تعینات کی گئی اور گھر گھر تلاشی کا سلسلہ جاری ہے۔

واضح رہے کہ گزشتہ شام ترال علاقے میں پی ڈی پی کے ایک پنچ کے گھر پر نامعلوم افراد نے گرینیڈ حملہ کیا تھا۔

مزید تفصیلات کا انتظار ہے