جنوبی قصبہ ترال کے لرہ بل نامی گاؤں میں سکیورٹی فورسز کی جانب سے تلاشی کارروائی جاری ہے۔ یہ تلاشی مہم گزشتہ شب شروع کی گئی۔
اطلاعات کے مطابق دوران شب علاقے میں عسکریت پسندوں کی موجودگی کے حوالے سے اطلاع موصول ہونے کے بعد فوج، سی آر پی ایف اور ایس او جی ترال نے مشترکہ طور پر لرہ بل نامی گاؤں کو محاصرے میں لیا اور تلاشی کارروائی شروع کی۔
یہ بھی پڑھیں
شوپیان: لشکر طیبہ کی کمین گاہ تباہ
ذرائع کے مطابق علاقے کے تمام داخلی اور خارجی راستوں پر پہرے بٹھا دئیے گئے ہیں اور گھر گھر تلاشی کارروائی کا سلسلہ جاری ہے۔
واضح رہے کہ جموں وکشمیر پولیس نے اتوار کے روز جنوبی کشمیر کے ضلع شوپیان کے زین پورہ علاقے میں شدت پسند تنظیم لشکر طیبہ کے ایک خفیہ ٹھکانے کو تباہ کرنے کا دعوی کیا ہے۔
مزید تفصیلات کا انتظار ہے۔
