عسکری کمانڈر برہان مظفر وانی کی چوتھی برسی کے موقع پر علیحدگی پسند رہنما سید علی گیلانی کی جانب سے دی گئی ہڑتال کی کال والے بیان کو شائع کرنے والوں پر جموں و کشمیر پولیس نے مقدمہ درج کیا ہے۔
جموں و کشمیر پولیس نے منگل کو سینیئر علیحدگی پسند رہنما سید علی گیلانی کے ٹویٹر اکاؤنٹ سے ہڑتال کی کال کے متعلق بیان کو سرکولیٹ کرنے اور سوشل میڈیا پر شیئر کرنے والے صارفین کے خلاف مقدمہ درج کیا ہے۔
یہ بھی پڑھیں
ہڑتال کی کال سرکولیٹ کرنے والوں پر مقدمہ درج
قابل ذکر ہے کہ 8 جولائی 2016کو مشہور عسکری کمانڈر برہان وانی کو جنوبی کشمیر میں ان کے ساتھیوں سمیت ایک تصادم کے دوران ہلاک کیا گیا تھا۔
برہان وانی کی ہلاکت کے بعد وادی کشمیر میں حالات بے حد کشیدہ ہوگئے تھے اور عوامی احتجاج کے دوران ایک سو سے زائد عام شہری بھی ہلاک ہوئے تھے۔
عسکری تنظیم حزب المجاہدین سے تعلق رکھنے والے برہان وانی کی ہلاکت کو حکومت نے دہشت گردی کے خلاف بڑی کامیابی قرار دیا تھا لیکن اس کے بعد سے اب تک وادی میں حالات کشیدہ ہیں۔
