آرٹیکل 370 کی منسوخی بی جے پی کا بنیادی نظریہ: اڈوانی

بھارتیہ جنتاپارٹی کے بزرگ رہنما اور سابق نائب وزیراعظم ایل کے اڈوانی نے جموں کشمیر سے آرٹیکل 370کو منسوخ کیے جانے کے حکومت کے فیصلہ کا خیرمقدم کیا ہے۔

اڈوانی نے کہاکہ ’’ اس آرٹیکل کی منسوخی جن سنگھ کے زمانہ سے ہی بی جے پی کے بنیادی نظریہ کا ایک حصہ رہی ہے‘‘۔
انھوں نے ایک مختصر بیان میں کہا،’’ میں آرٹیکل 370کو منسوخ کرنے کے حکومت کے فیصلہ سے خوش ہوں اور میں سمجھتا ہوں کہ قومی سلامتی کو مستحکم کرنے کی سمت یہ ایک دلیرانہ قدم ہے ‘‘۔
بی جےپی کے سینئر لیڈر ارون جیٹلی نے کہا ’’ آج ایک تاریخی غلطی درست کردی گئی ہے۔‘‘

آرٹیکل 370 کی منسوخی بی جے پی کا بنیادی نظریہ: اڈوانی

انھوں نے متعدد ٹویٹ میں کہا،’’ میں وزیر اعظم نریندر مودی اور وزیر داخلہ امت شاہ کو اس تاریخی قدم کےلیے مبارک باد دیتا ہوں اور جموں، کشمیر اور لداخ میں امن و خوشحالی اور ترقی کےلیے دعاکرتاہوں۔‘‘جیٹلی نے کہا ’’ وزیراعظم نریندر مودی اور وزیر داخلہ امت شاہ کو ایک تاریخی غلطی کی اصلاح کےلیے مبارک باد دیتا ہوں۔ ایک تاریخی غلطی کی آج اصلاح ہوئی ہے۔ آرٹیکل 35اے کو ہندستان کے آئین کے آرٹیکل 368کے تحت مناسب کارروائی کے بغیراختیار کیاگیا تھا۔ ‘‘انھوں نے کہاکہ علیحدہ حیثیت سے علیحدگی پسندی پیداہوئی۔سابق وزیر خارجہ سشما سوراج نے بھی کہاکہ یہ ایک جرات مندانہ اور تاریخی فیصلہ ہے۔ انھوں نے ایک ٹویٹ میں کہا،’’ ہم عظیم ہندوستان، ایک ہندستان کو سلام کرتے ہیں۔

آرٹیکل 370 کی منسوخی بی جے پی کا بنیادی نظریہ: اڈوانی