جموں سرینگر قومی شاہراہ پر آج یک طرفہ ٹریفک کی آمد و رفت بحال ہو گئی ہے۔ اگرچہ گاڑیوں کو آج کشمیر سے جموں کی جانب روانہ کیا گیا تاہم جواہر ٹنل کے نزدیک پھسلن پیدا ہونے کی وجہ سے مسافروں کو ٹریفک و دیگر مسائل کا سامنا کرنا پڑا۔
کافی دیر تک آج بھی سینکڑوں گاڑیاں قاضی گنڈ سے جواہر ٹنل تک درماندہ رہیں۔
ادھر سخی زین الدین ولی ویلفئر سوسائٹی کے زیر نگرانی قومی شاہراہ پر مال بردار سمیت دیگر گاڑیوں کے کے ڈرائیوروں اور مسافروں میں امداد تقسیم کی گئی۔
ٹرسٹ کے اراکین نے تحصیلدار قاضی گنڈ کے ہمراہ مسافروں میں کمبل و اشیائے خورد و نوش تقسیم کیا۔