مقامی لوگوں کے مطابق قومی شاہراہ کو فورلین میں تبدیل کرنے والی تعمیراتی کمپنی گمین انڈیا کے غیر معیاری میٹیریل استعمال کرنے کی وجہ سے تین کروڑ کی لاگت سے بنی ایک کنکریٹ دیوار تین ماہ کے اندر گر گئی ۔
شاہراہ قصبہ قدیم سے ضلع سیکٹریٹ میتراہ، گول سنگلدان کے لیے لینک روڈ پر آمد و رفت مکمل طور بند ہوگئی تھی۔
کمپنی نے دیوار کے آپر میٹی ڈال کر یک طرفہ ٹریفک کو عرضی طور پر بحال کیا ہے جس پر گاڑی کا چلنا مشکل ہو جاتا ہے اور معمولی بارش میں یہ سڑک جھیل کی شکل اختیار کرلیتی ہے۔
اس پر پیدل چلنے والے افراد کو مشکلات کا سامنا کرنا پڑتا ہے۔اس سلسلے مقام لوگوں نے تعمیراتی کمپنی کے خلاف احتجاج بھی کیا تھا۔
انتظامیہ اور کمپنی کے منتظمین کی یقین دہانی کے باوجود ابھی تک معاملہ جوں کا توں ہے۔
ایڈوکیٹ سجاد احمد نے کہا کہ ضلع انتظامیہ کے چار آفسران جن میں ڈپٹی کمشنر، ایڈیشنل ڈسٹرکٹ ڈیولپمنٹ کمشنر ،ایڈیشنل ڈپٹی کمشنر اور اسٹنٹ کمشنر عام دن میں دو بار اس ہی سڑک سے گزرنے کے باوجود سڑک گذشتہ ایک برس سے مرمت کے لئے ترس رہی ہے۔
رامبن _ میتراہ کی خستہ حال سڑک کے باعث ڈرائیورز، مسافروں اور راہگیروں کو سخت مشکلات کا سامنا کرنا پڑا ہے۔
آٹو ڈرائیور نے ای ٹی وی بھارت کے ساتھ بات کرتے ہوئے کہا خستہ حال سڑک پر چلنے سے گاڑیوں کا شدید نقصان پہنچنے کے علاوہ مسافروں کو سفر کرنے میں پریشانی آتی ہے۔
اس سلسلے میں مقامی شہریوں اور ڈرائیوروں نے گورنر انتظامیہ سے خستہ حال سڑک کی جلدی از جلد مرمت کرنے کی اپیل کی ہے۔
واضع رہے یہ سڑک ( بیکن) کے ماتحت ہے ان کا کہنا ہے انہوں نے تعمیراتی کمپنی گمین اینڈیا کے خلاف تھانہ پولیس رامبن سڑک کو نقصان کرنے کا معاملہ درج کرکے رکھا ہے اس کی مرمت کے بعد وہ خود مرمت کریں گے ۔
